रोकियो नदी कटान

महेन्द्रनगर ।

शुक्लाफाँटा नगरपालिका–२ नदी कटानको उच्च जोखिममा रहेको वडा हो । यो वडामा सुनवरा नदीले कटान गर्छ । तर, स्थानीय तहको निर्वाचनबाट वडामा जनप्रतिनिधि आएपछि नदी कटानको जोखिम घटेको छ ।

जनप्रतिनिधिको सक्रियताले नदी कटान हुने क्षेत्रमा तटबन्ध गरिएपछि जोखिम कम भएको स्थानीय रुपेश चौधरी बताउँछन् । ‘यस वडाका जनप्रतिनिधिले निर्वाचित भएदेखि नै नदी कटानको समस्या रोक्न सक्रिय थिए,’ उनले भने, ‘जनप्रतिनिधिको निरन्तरको सक्रियाताले जोखिम भयो ।’

शुक्लाफाँटा नगरपालिका–११ को उत्तरदेखि दक्षिण वडा नं। १ सम्म जोखिम भएका क्षेत्रमा तटबन्ध भएको उनि बताउँछन् । ‘वर्षातको समयमा नदी कटानले खेतवारी बगाउथ्यो,’ उनले भने, ‘अहिले त्यो समस्या रोकिएको छ ।’

चुनावी प्रतिवद्धता अनुसार काम गरिरहेको वडा अध्यक्ष शिवराज पनेरु बताउँछन् । ‘चुनावको क्रममा नदी कटानको समस्या रोकथाम गर्ने बाचा गरेको थिए,’ उनले भने, ‘त्यही बाचा अनुसार अहिले तटबन्ध गरेको छु ।’

नदी कटान रोक्न तटबन्ध निर्माणको कार्यलाई निरन्तरता दिने उनि बताउँछन् । ‘हामीले सुरुदेखि नै नदी कटान रोक्न तटबन्ध निर्माण गर्दै आएका छौं,’ उनले भने, ‘बाँकी रहेका ठाउँमा यस वर्ष तटबन्ध गर्छौ ।’