६ लाख ९० हजार बराबर को अवैध सामान

कञ्चनपुरमा भन्सार छलिका अवैध सामान बरामद गरिएको छ । सशस्त्र प्रहरी बल नेपाल नम्बर ३५ गण हेडक्वाटर शैलेश्वरी कञ्चनपुरबाट सशस्त्र प्रहरी उपरीक्षक बिरेन्द्रबहादुर ऐरको कमाण्डमा खटीएको रात्री सीमा अनुगमन टोलीले सामान बरामद गरेको हो । ६ लाख ९० हजार बराबरको बिडी र प्लाष्टिक बरामद गरिएको गणले जनाएको छ । बरामद गरिएका सामान आवश्यक कानूनी कारवाहीको लागि गड्डाचौकी भन्सार कार्यालय कञ्चनपुरमा पठाइएको जनाइएको छ ।