कैले बौल्यायो यिनलाई ?

बकतले ब लठ्ठ्यायो यिनलाइ

सर्क डिठ नाॅइ धर्ति पाउ नाॅइ

बेला कुबेलाकि बोलिकि ढपनाइ

स्वाॅस लधद्दा ब्यानल ठडिना

                                                   मान्स धेक्या जम्सिना

                                                   हुल धेक्या रम्तिना

                                                   यिन कि माटि लागि हो

                                                  कैले बौल्यायो यिनलाई

                                                  एक भास् नाच्च्चान

एक भाका बास्सा

कज्जाइका मनमनना

कभै यिन रङरङना

कतन्जाइ मरोड़िना आफूइ

माच्या साणै जानि दाॅइ हण्या आफुइ

जम्का जोरैका धेकाइ

                                                   मुरमुरिना आफूइ

                                                  एकै अरड़ात अर्खाइ बरड़ात

                                                  हुनि न खानि सुदोइकि खड़बडाट

                                                  एक पौठा निमोद्दो अर्खो खामो कोटद्दो

                                                  बेला न कुबेला सुदिकि हुइहुइ

कि माटि लागि हो यिन कैले बौल्यायो

खपड्यौल खुपै उपाइ कौड़ि कि नाइ

गोऽडा छेपडा मन्तर नाइ स्यापा दुला हात

दालभात छाडि कर्कला हात

भण्यो गद्द्या नाइ

                                                          यिनरा बेलिको बृधान्त नाइ

                                                         उन दिन भुलिग्या रजबार बनिग्या

                                                         निकाइ हुॅ भण्या

                                                        मचोया साणन झा

एक घडि थाऽन एक मन बस्सु नसक्द्या

यिनरि बौल्याट आनबानन कि गुराऽट

कै कि बिगाइ?

यिन कैले बौल्यायो ?