दार्चुलामा आइतवार राती पहिरोमा पुरिएर एक जनाको मृत्यु भएको छ

महेन्द्रनगर ।
दार्चुलामा आइतवार राती पहिरोमा पुरिएर एक जनाको मृत्यु भएको छ ।

जिल्लाको दुँहु गाउँपालिका–१ बासपालीमा पहिरोले पुरिएर नरसिंह महराको मृत्यु भएको जिल्ला प्रहरी कार्यालय दार्चुलाका प्रहरी निरीक्षक धु्रव बहादुर बिष्टले बताए ।

उनका अनुसार अविरल वर्षा पछि घरमाथि परेको पहिरोमा पुरिएर महराकी श्रीमती कौशी महरा बेपत्ता भएकी छन् ।
‘राती सुतेको बेला घरमाथि पहिरो परेको बुझिएको छ । दुई जना बेपत्ता भएकोमध्ये एक जनाको शव सुरक्षाकर्मीले निकालेका छन् ।’ उनले भने ।

उनका अनुसार अहिले प्रहरीले बेपत्ताको उद्धार गरिरहेको छ ।