गड्डाचौकी नाकामा साना देखि बृद्ध सम्मका महिलालाइ प्रमाण सहित सोधपुछ पछि मात्र भारत पठाइदै

कंचनपुर :

गड्डाचौकी नाकामा महिलालाई सोधपुछ र प्रमाण भए मात्र सिमा पारी भारत जान दिने गरिएको छ । मानव बेचबिखन र नियन्त्रणका लागि सीमा क्षेत्रमा कार्यरत गैर सरकारी संस्थाहरुले उमेर पुगेका वा सानै उमेर मा भारतमा बेचबिखनमा पर्न सक्ने भएकाले सोधपुछ गरेपछि मात्र सिमा पारी जान दिने गरिएको छ । ललाई फकाई ,मायाको प्रलोभनमा पारी भारतमा नराम्रा कामको गतिविधि गर्न लैजान सक्ने भएकाले सीमा नाकामा प्रहरी र गैर सरकारी संस्थाहरुले पुर्ब तयारी गराइ रहेका छन । नाकापारी बनबासा , खटिमा या दिल्ली जाने महिलाको घर परिवारमा सम्पर्क गरि घर परिवार सङ्ग पुरै सोधपुछ गरिसकेपछि मात्र कुनै पनि ब्यक्तिलाई सहज बनाइ जान दिने गरिएको छ । गड्डाचौकीमा मानव बेचबिखन नियन्त्रण तथा रोकथामका लागि सक्रिय “गैर सरकारी संस्था थ्री एन्जल्स नेपालकी संयोजक बेलुदेबी नेपाली भन्नू हुन्छ ” भारतमा महिलाहरु बेचिने जोखिम भएकाले सोधपुछ गरेपछि मात्रै जान दिने गरिएको छ। निजले महिलाहरुलाई झुठो माया विवाह को प्रलोभन , जागिर, जस्ता अनैतिक हिसाबले भारत पुगाएर बेच्ने गरेका छन् । दलालहरुले महिलाहरुलाई एक्लै पठाउने उनीहरु महिलाहरुको अघि वा पछि मात्रै नाका काट्ने गरेको हुन्छ नाकामा कडाई गरे संगै उनीहरु अवैध बाटो भएर भारत पुगाउने गरेको बताए । नेपालीका अनुसार कोरोना महामारी संक्रमणमा पनि दैनिक ५० भन्दा बढी महिला भारत जाने गरेका छन् । उनले इलाका प्रहरी कार्यालय गड्डाचौकीसङ्गको सहकार्यमा महिलालाई सोधपुछ गरी परामर्श दिने गरिएको बताइन् । ‘सबै साना देखि बुढा सम्मका महिलालाइ खोज तलासी गरी अभिभावकबाट सोधपुछ गरेपछि मात्रै नाका पारी जान दिने गरिएको छ’ उनले भनिन्,‘ भारतमा बेचिने यो माहामारिको बेला धेरै सम्भावना भएकाले जुनसुकै महिलालाइ पनि सोधपुछ पछि मात्र जान दिने जानकारी दिए ।’ घरबाट भागेर ललाई फकाइमा आएकालाई उद्धार गरी प्रशिक्षण क्लास दिने , सम्झाइ बुझाइ गरी परामर्श दिई केस अनुसारले प्रहरी या आफन्तलाई जिम्मा गराइने नेपालिले बताई ।’ इलाका प्रहरी कार्यालय गड्डाचौकीका इन्चार्ज प्रहरी नाउब निरीक्षक जीवन गुरुङ्गले सीमा अपराध नियन्त्रणमा स्थानीय प्रशासन, जनप्रतिनिधि, गैर सरकारी संस्था सबैसङ्ग सहकार्य गरी अघि बढेको बताए । ‘सीमा नाकामा घटना दिनहु भई रहने भएकाले , सबैसङ्ग समन्वय , सहकार्य अनिवार्य ’ भएकाले सबै सङ्ग हातेमालो गर्नै पर्ने गुरुङ भन्नू हुन्छ ।