सुकान्तको परिवारसंग पुनर्मिलन गराउन सहयोग

अहिले काभ्रेको बनेपा नगरपालिका स्थित एक होटलमा काम गरिरहेका बिगत ३५ बर्ष पहिला भारत एउटा को होटलमा भाडा माझ्न भनी छोडेका ७ वर्षे बालक सुकान्त शर्मा अहिले ४१ बर्षका प्रौढ भएका छन् ।
उनलाई अहिले न बाआमा, न गाउँ, न घरको कुनै यकिन छ।
मर्नुअघि भेट्ने चाहनाले भक्कानिन्छन्।
उनलाई गाउँको नाम कोलपट्टा भन्ने याद छ। शर्मा भन्छन– “मेरो गाउँ नजिकैको ठाउलाई ढुंगेरागाउँ भन्थ्ये । जङ्गलको बिचमा बाटो थियो।सुन्तला र आँप पनि पाइने, घरभन्दा नजिकै विद्यालयमा ६/७ वर्षमा २ कक्षा सम्म पढेको अझै याद छ , विद्यालयको नाम पनि याद छैन तर वेदडाडा स्कूल भनिन्थ्यो। बुबाले इन्डियामा लगेर होटलमा भाडा माझ्ने काम लगाइदिएका थिए। भारतको कुन ठाउँमा ल्याएको हो भन्ने सम्म याद छैन । बुबाको नाम वुद्धिप्रसाद शर्मा, आमा भिमा शर्मा, दिदि नेत्र कुमारी शर्मा, भाइ मोतिलाल शर्मा र बहिनी दमकला शर्मा याद छ।”
हामी सबै मिलेर सुकान्तको परिवारसंग पुनर्मिलन गराउन सहयोग गरिदिउँ।
मो फोन 9845836731