डोटीमा एक महिलामाथि हतियार देखाएर बलात्कार प्रयास, आरोपित फरार

महेन्द्रनगर । डोटीमा एक महिला माथी अपरिचित व्यक्तिले बलत्कारको प्रयाश गरेका छन् आदर्श गाउँपालिका ६ गिरिचौकामा अपरिचित व्यक्तिले एक महिलामाथी बलात्कारको प्रयास गरेका हुन् । आफुलाई आदर्श–६ कै बासिन्दा बताउने उक्त पुरुषले सायल गाउँपालिका वडा नम्बर १ की ४५ बर्षिया महिलालाई बलात्कारको प्रयास गरेका हुन् ।
पीडित महिला भाद्र १८ गते घरबाट गिरिचौकाको काँडामा आफन्तलाई भेटघाट गर्न गएकी थिईन् । त्यहाँ जाने क्रममा साँझ करिब ७ः३० बजेको समयमा गिरिचौकाको ढाँटवाडा र काँडा टोलको बीच जङ्गलमा उनलाई एक्कासि अपरिचित पुरुषले आक्रमण सहित बलात्कार प्रयास गरेको पीडितका आफन्तले जानकारी दिएका छन् ।
पीडितको भनाइ अनुसार उक्त व्यक्तिको हातमा हँसिया र बञ्चरो रहेको र पहिले त्यसै हतियारले आफुलाई हिर्काएर टाउको, खुट्टा र शरीर भरी नै गम्भीर चोट लागिसकेपछि उक्त पुरुषले बलात्कारको प्रयास गरेको तर आफू रुँदै कराउँदै काँडा टोलको नजिक पुगिसकेपछी त्यो व्यक्तिले आफ्नो पिछा छोडेर भागेको बताईन् ।
यता, जिल्ला प्रहरी कार्यालय डोटीका एसपी दानबहादुर मल्लले आदर्श गाउँपालिकामा रहेको प्रहरी चौकीबाट असईको कमाण्डमा ५ जनाको टोली घटनास्थलमा गएको बताए । बिहान प्रहरीको टोली उक्त ठाउँमा गएको र थप जानकारी आउन बाँकी रहेको उनले बताए ।