डोटीमा नेकपा (एकीकृत समाजवादी) मा तिन जनप्रतिनिधीले गरे सनाखत

महेन्द्रनगर । डोटीमा नेकपा (एकीकृत समाजवादी) को पक्षमा ३ जना जनप्रतिनिधिले सनाखत गरेका छन् । डोटीको पुर्विचौकी गाउँपालिकाका अध्यक्ष दीर्घराज बोगटी, दिपायल सिलगढी नगरपालिकाका उप–प्रमुख शिवराज खड्का र सायल गाउँपालिका वडा नं.३ का अध्यक्ष गोरखबहादुर सार्कीले सनाखत गरेका हुन् ।
आफुहरु नेकपा (एकीकृत समाजवादी) पार्टीको पक्षमा रहेको भन्दै निर्वाचन आयोगको जिल्ला कार्यालय सिलगढीमा सनाखत गरेको वडा अध्यक्ष गोरख सार्कीले जानकारी दिएका छन् ।
तत्कालीन नेकपा हुँदा पूर्वीचौकीका अध्यक्ष बोगटी र दिपायल सिलगढी नगरपालिकाका उप–प्रमुख खड्का केपी ओली टिमका हुन् भने सायल–३ का वडा अध्यक्ष सार्की प्रचण्ड–माधव टिममा थिए ।
नेकपा (एकीकृत समाजवादी) को पक्षमा सनाखत गर्न निर्वाचन आयोगको कार्यालयमा पुगेका जनप्रतिनिधीहरुलाई रोक्नका लागी एमाले डोटीका नेता कार्यकर्ताहरु निर्वाचन आयोगको कार्यालयमा पुगेका छन् ।