कञ्चनपुरमा कोरोना संक्रमितको संख्या बढदै, बुधवार १० जनामा संक्रमण पुष्टि, ११ जनाले निको

महेन्द्रनगर । कञ्चनपुरमा लागु गरिएको निषेधाज्ञा खुकुलो पारेसंगै आमसर्वसाधारणहरुले नेपाल सरकारले लागु गरेको स्वास्थ्य सुरक्षाका मापदण्डको उचित पालना नगरे पछि संक्रमितको संख्या बढदै जान थालेको छ ।
कोरोना संक्रमणको अवस्था अहिले पनि कायमै रहेकाले सबैले स्वास्थ्यका नियमहरु उचित तवरले पालना गर्नुपर्ने चिकित्सकहरुले बताएका छन् ।
यस्तै, बुधवार थप १० जनामा कोरोना संक्रमण पुष्टि भएको छ । पिसिआर परिक्षणमा १ जना र ऐन्टिजेनमा ९ जनामा कोरोना संक्रमण पुष्टि भएको जिल्ला स्वास्थ्य कार्यालयले जारी गरेको सुचनामा उल्लेख गरिएको छ ।
कोरोना पुष्टि हुनेमा गडडाचौकीमा ५ जना, दोधारा र पुनर्वासमा २(२ र शुक्लाफाँटामा १ जनामा कोरोना पुष्टि भएको स्वास्थ्य कार्यालयका कम्प्युटर अपरेटर महिन्द्रा भटटले जानकारी दिएकी छन् । यो संगै कञ्चनपुरमा कोरोना संक्रमितको संख्या ८ हजार ४ सय ६५ पुगेको छ ।
कञ्चनपुरमा बुधवार ११ जनाले कोरोना जितेर घर फर्किएका छन् । अहिले सम्म कोरोना संक्रमणलाई जित्नेको संख्या ८ हजार १ सय ४८ पुगेको जिल्ला स्वास्थ्य कार्यालयले जनाएको छ ।
जिल्लामा सक्रिय संक्रमितको संख्या १ सय ८ पुगेको छ । अहिले सम्म कोरोना बाट मृत्यु हुनेको संख्या १ सय ९२ पुगेको छ ।