यसरी बन्यो कञ्चनपुर कारागारमा मन्दिरको मूर्ती चोर्ने योजना

महेन्द्रनगर । कञ्चनपुरमा कारागारबाट मन्दिरको मूर्ती चोर्ने योजान बनेको खुल्न आएको छ । शुक्रवार विहान ३ बजे भीमदत्त नगरपालिका ९ खल्ला स्थित प्राचीन सिद्धबाबाको मन्दिर बाट चाँदी बाट निर्मित सिद्धबाबाको मुर्ती चोरी भएको थियो ।
मूर्ती चोरेर भाग्दै गरेको अवस्थामा बझाङको बुङ्गल नगरपालिका बिजगडा स्थायी घर भएका अन्दाजी बर्ष ६० का करोडो बहादुर बोहरा लाई स्थानीय हरुले समातेर प्रहरीलाई जिम्मा लगाएका छन् ।
करोडो बोहरा विगतका दिनमा पनि चोरी मुद्धामा पटकपटक पक्राउ परेको र शुक्रवार पनि मूर्ती चोरेको बेला स्थानीयहरुले प्रहरीलाई बुझाएको जिल्ला प्रहरी कार्यालय कञ्चनपुरका प्रहरी नायव उपरिक्षक शिद्धराज न्यौपानेले बताएका छन् । आईतवार उनीमाथी चोर मुद्धा दर्ता गरिने भएको छ ।
यसरी बन्यो चोरी गर्ने योजना
(चोरी आरोपित करोडोबहादुर बोहराले भनेको आधारमा)
म पनि चोरी मुद्धामा कारागारमा थिए, मेरो भेट अन्य २ जना ज्यान मार्ने उधोगमा कारागारमा रहेका प्रकाश पाल र लालबहादुर बोहरा संग भयो यि दुवै जनाले २० असारमा कञ्चनपुरको भीमदत्त नगरपालिका ९ खल्लामछेट्टीका पुर्व शिक्षक गणेश बोहराको हत्या गरेको भन्दै जेल जिवन बिताईरहेका थिए ।
ति दुवै जनाले भीमदत्त नगरपालिका ९ खल्ला स्थित प्राचीन सिद्धबाबाको मन्दिरमा १४ किलो चाँदी रहेको र जसमध्ये ३ किलोको मूर्ती बनाएको बताए । जस्को रकम ५ लाख सम्म हुने भएकाले चोरी गर्नुपर्ने योजना बन्यो । मूर्ती चोरी गरे सकेपछि लालबहादुरको भाई लाई लगेर दिने र उसले बेच्ने वातावरण मिलाउछ भनेर मलाई लालबहादुरले भने, पहिला त मैले चोर्न मानेन सबैले चिन्छन म चोर्दैन भने, पछि लोभ लाग्यो फेरी पहिला पनि चोरी गर्दै आएको म डर लागेन बिहिवार म कारागारबाट रिहा भएको हुँ, चोरी गर्न म सिधै गाँउमा गए त्यहाँ गएपछि प्रकाश पालको मदिराको पसल फोडेर मदिरा चोरे फेरी मन्दिरमा गएर मूर्ती पनि चोरे, पसल फोडेर चोर्ने योजना प्रकाश पालको नै रहेको थियो । पसल पनि फोडेर चोरी गय्रो भने, कसैको पनि शंका जाँदैन भन्ने योजना रहेको आधारमा चोरी गरे, चोरी गरेर आउँदै गर्दा स्थानीयहरुले शंका मानेर चेकजाँच गरे पक्राउ परे,