कञ्चनपुरमा कोरोना संक्रमित महिलाको मृत्यु

 महेन्द्रनगर :

कञ्चनपुरमा थप एकजना कोरोना संक्रमितको मृत्यु भएको छ । बाँकेमा उपचाररत कोरोना संक्रमणबाट एक जना महिलाको मृत्यु भएको हो । पुनर्वास नगरपालिका–५ की ५८ वर्षीया महिलाको मृत्यु भएको बाँकेका कोरोना फोकल पर्सन तेज ओलीले जानकारी दिएका छन् । भदौ २९ गते अस्पतालमा भर्ना भएकी महिलामा भदौ ३० गते संक्रमण पुष्टि भएको थियो । भेरी अस्पतालमा उपचारको क्रममा उनको शुक्रबार बिहान ११ः३० बजे मृत्यु भएको उनले बताए । यो सहित कञ्चनपुरमा कोरोना बाट मृत्यु हुनेको संख्या १ सय ९४ पुगेको जिल्ला स्वास्थ्य कार्यालयले जनाएको छ ।