बैतडीमा जीप दुर्घटना, ९ जना घाइते

बैतडी:

जीप दुर्घटना हुँदा बैतडीमा नौजना घाइते भएका छन् । सुर्कालबाट देहिमाडौं जाँदै गरेको भे १ च १११६ नम्बरको जीप सोमबार बिहान साढे नौ बजे देहिमाडौं नजिक दुर्घटना भएको हो । घाइतेमध्ये जिप चालक मेलौली नगरपालिका–३ का २८ वर्षीय जनकबहादुर चन्द गम्भीर घाइते भएको प्रहरीले जनाएको छ । अन्य घाइतेको अवस्था सामान्य रहेको बताईएको छ । उनीहरुको जिल्ला अस्पतालमा उपचार भइरहेको छ । उकालो कच्ची बाटोमा जीप चढ्न नसक्दा ब्याक भएको र ब्रेक फेल भएका कारण दुर्घटना भएको ट्राफिक प्रहरीले जनाएको छ। जीप ब्याक भएर सडकमै पल्टिएको थियो ।