ट्याक्टरबाट खसेर युवकको मृत्यु

महेन्द्रनगर:

कैलालीमा ट्याक्टरबाट खसेर युवकको मृत्यु भएको छ । मृत्यु हुनेमा गौरीगंगा नगरपालिका–४ राजीपुरका १५ वर्षीय आशिष चौधरी रहेका छन् । बुधबार गौरीगंगा नगरपालिका–४ राजीपुरबाट बालुवा गाडातर्फ गइरहेको से २ त ७१ नम्बरको ट्याक्टरबाट खसेर उनीघाइते भएका भएका थिए । राजीपुरका ४२ वर्षीय कर्णबहादुर खत्रीले चलाएको उक्त ट्याक्टरबाट खसेर घाइते भएका चौधरीको धनगढीको निर्सग अस्पतालमा उपचारका क्रममा मृत्यु भएको जिल्ला प्रहरी कार्यालय कैलालीले जनाएको छ । प्रहरीले ट्याक्टर चालक र ट्याक्टरलाई नियन्त्रणमा लिएर थप अनुसन्धान गरिरहेको बताएको छ ।