कञ्चनपुरमा थप एकजना कोरोना संक्रमितको मृत्यु, मृतकको संख्या १ सय ९६ पुग्यो

महेन्द्रनगर । कञ्चनपुरमा थप एकजना कोरोना संक्रमितको मृत्यु भएको छ । उपचारको क्रममा एकजना कोरोना संक्रमितको धनगढीमा मृत्यु भएको हो । भिमदत्त नगरपालिका ७ का ८४ वर्षीय वृद्धको कोरोनाका कारण मृत्यु भएको सेती प्रादेशिक अस्पतालले जनाएको छ ।
स्वास प्रश्वासमा समस्या देखिएपछि उनलाइ उपचारका लागि सेती अस्पताल लगिएको थियो । थप उपचारका लागि सेती अस्पतालमा ल्याइएकोमा उपचारका क्रममा बिहिबार उनको मृत्यु भएको अस्पतालका सुचना अधिकारी दिलिपकुमार श्रेष्ठले जानकारी दिएका छन् ।
यो संगै कञ्चनपुरमा कोरोनाका कारण मृत्यु हुनेको संख्या १ सय ९६ पुगेको छ ।