कञ्चनपुरमा विहिवार १३ जनामा संक्रमण पुष्टि, ९ जना निको

महेन्द्रनगर :

कञ्चनपुरमा पछिल्लो समय कोरोना संक्रमितको संख्या बढदै जान थालेकोे छ । आज विहिवार १३ जनामा कोरोना पुष्टि भएको छ । निषेधाज्ञा खुकुलो पारेसंगै आमसर्वसाधारण हरुले नेपाल सरकारले लागु गरेको स्वास्थ्य सुरक्षाका मापदण्डको उचित पालना नगरे पछि संक्रमितको संख्या बढदै जान थालेको छ । कोरोना संक्रमणको अवस्था अहिले पनि कायमै रहेकाले सबैले स्वास्थ्यका नियमहरु उचित तवरले पालना गर्नुपर्ने चिकित्सकहरुले बताएका छन् । आज कोरोना पुष्टि हुनेमा भीमदत्तमा ३ जना, लालझाडीमा ४ जना,वेदकोट र कृष्णपुरमा १(१ जना, शुक्लाफाँटा र बेलौरीमा २(२ जनामा कोरोना पुष्टि भएको स्वास्थ्य कार्यालयका कम्प्युटर अपरेटर महिन्द्रा भटटले जानकारी दिएकी छन् । यो संगै कञ्चनपुरमा कोरोना संक्रमितको संख्या ८ हजार ६ सय ८२ पुगेको छ । कञ्चनपुरमा विहिवार ९ जनाले कोरोना जितेर घर फर्किएका छन् । अहिले सम्म कोरोना संक्रमणलाई जित्नेको संख्या ८ हजार ३ सय ३४ पुगेको जिल्ला स्वास्थ्य कार्यालयले जनाएको छ । जिल्लामा सक्रिय संक्रमितको संख्या १ सय ३६ पुगेको छ । अहिले सम्म कोरोना बाट मृत्यु हुनेको संख्या १ सय ९६ पुगेको छ ।