कञ्चनपुरमा रात्रीकालिन क्रिकेट प्रतियोगिता हुने

महेन्द्रनगर । कञ्चनपुरमा रात्रीकालिन क्रिकेट प्रतियोगिता हुने भएको छ । दोधारा चाँदनी नगरपालिकामा रात्रीकालिन क्रिकेट प्रतियोगिताको आयोजन हुने भएको हो । वडा नम्बर २ को आयोजनामा वडाध्यक्ष रात्रीकालिन क्रिकेट प्रतियोगीता गर्न लागिएको आयोजक समितिका सदस्य रमेश चन्दले बताए ।
असोज २५ गतेबाट शुरु हुने क्रिक्रेट प्रतियोगीतामा १० टिम बिच प्रतिस्पर्धा गराईनेछ । १० ओभरको खेल हुनेछ । टिम दर्ता गराउने अन्तिम मिति असोज २३ गते साँझ ५ बजे सम्म आयोजकले राखेको छ ।
प्रतियोगीतामा प्रथम हुने टिमलाई नगद १ लाख ११ हजार १ सय ११ रुपया सहित ट्रफी र प्रमाण पत्र प्रदान गरीने छ । त्यस्तै उपविजेता टिमले ४४ हजार ४ सय ४४ रुपया नगद सहित ट्रफी र प्रमाण पत्र पाउने छन् ।