बैतडीमा महिला स्वास्थ्यकर्मीमाथी हातपात, आरोपी फरार

 महेन्द्रनगर:

बैतडीमा २ जना महिला स्वास्थ्यकर्मीमाथी हातपात भएको छ । पुर्चाैडी नगरपालिका १ स्थित पुर्चाैडीहाट स्वास्थ्यचौकीमा कार्यरत महिला स्वास्थ्यकर्मीहरुमाथी हातपात भएको हो । वडा नं १ स्थित कुडीखेत टोलका सुरेन्द्र धनुसेले मदिरा सेवनगरी विहिवार साडे ७ बजेको समयमा महिला स्वास्थ्यकर्मीहरुमाथी हातपात र गालीगलौँच गरेको स्वास्थ्यचौकी इन्चार्ज हेल्थ असिस्टेन्ट दिपेन्द्र बहादुर धामीले जानकारी दिएका छन् । धनुसेले गालीगलौज गर्दै दुई जना महिला स्वास्थ्यकर्मीमाथी हातपात गरेको र स्वास्थ्यकर्मीमा हामि बस्छौ तपाईहरु बाहिर आउनुहोस भन्दै हात पात गरेको उनले बताए । यता, जिल्ला प्रहरी कार्यालय बैतडीका प्रहरी प्रवक्ता प्रहरी निरिक्षक बोधराज ओझाले आरोपित धनुसेलाई पक्राउ गर्न प्रहरीको टोली गएपनि निज अहिले फरार रहेको र अहिले प्रहरी परिचालन गरी उनको खोजी कार्य भईरहेको बताए ।