बैतडीमा ताश खेल्न नमाने पछि निर्घात कुटपिट

महेन्द्रनगर:

बैतडीमा ताश खेल्न नमाने पछि निर्घात कुटपिट गरिएको छ । डिलाशैनी गाँउपालिकाका एक व्यक्ति माथि निर्घात कुटपिट भएको हो । डिलाशैनी –१ का ५७ वर्षीय अकबर रानामाथी स्थानीय व्यापारी महावीर धामीले निर्घात कुटपिट गरेको उनका छोरा महेश रानो बताएका छन् । रानालाई घरबाट जबरजस्ती आफ्नो पसलमा लगेर रातको समयमा मदिरा सेवन गरेका धामीले जुवा खेल्न नमान्दा कुटपिट गरेको पीडित रानाका छोरा महेशले बताए । कुटपिटबाट रानाको टाउको, नाक, मुख र आँखामा चोट लागेको छ । घटनाका विषयमा प्रहरीलाई खबर गरेपछि प्रहरीले दुवै पक्षलाई सिमार प्रहरीचौकीमा बोलाएको छलफल गरिहेको छ ।