बझाङ कांग्रेसको सभापतिमा खडकबहादुर विजयी

महेन्द्रनगर:

नेपाली कांग्रेस बझाङमा जिल्ला सभापतिमा खडकबहादुर बोहरा विजयी भएका छन् । बोहरा सभापतिमा विजयी भएको निर्वाचन समिति सदस्य रमानन्द जोशीले बताएका छन् । शनिबार बिहान सम्पन्न मत गणनाको परिणाम अनुसार रमेशबहादुर भण्डारीलाई हराउँदै बोहरा सभापतिमा निर्वाचित भएका हुन् । जिल्ला सभापतिका पराजित उम्मेदवार भण्डारीको प्यानलबाट सचिवमा झलक कठायत बाहेक सबै उम्मेदवार हारेका छन् । बझाङको नतिजासँगै कांग्रेसले हिमाली क्षेत्रका १३ जिल्लामा जिल्ला अधिवेशन सकेको छ। जसमध्ये ७ जिल्लामा इतर समूह र ६ जिल्लामा संस्थापन पक्षका नेता सभापति बन्न सफल भएका छन् ।