बाढीमा फसेकाहरुको उद्धारका लागि हेलिकप्टर ल्याउने तयारी

महेन्द्रनगर । सोमबार राति बाढीमा फसेकाहरुको उद्धारका लागि हेलिकप्टर ल्याउने तयारी भइरहेको छ । बाढीमा फसेकालाई हेलिकप्टरबाट उद्धार गरिने सुदूरपश्चिम प्रदेशका आन्तरिक मामिला तथा कानुनमन्त्री पूर्णा जोशीले बताइन् ।

‘सुर्खेतबाट हेलिकप्टर बिहानै आउने तयारी थियो । तर प्रतिकुल मौसमका कारण हेलिकप्टर उड्न सकेको छैन ।’ उनले भनिन्, ‘महाकालीमा मानिस फसेका छन् । पहाडी भेगबाट पनि त्यस्तो खबर आएको छ । हामी उद्धार गर्छौ ।’

भीमदत्त नगरपालिका–९ मसेट्टीका ३५ वर्षीय पुष्कर नायक, ४५ वर्षीय दीर्घमती खड्का, ३२ वर्षीय शान्ती नायक, ९ वर्षीय असोक नायक र ५ वर्षीय अजय नायक सोमवार रातीबाट बाढीमा फसेका थिए ।