भर्खरै निर्वाचित कांग्रेसका वडा उपसभापति एमालेको वडा सचिव बने

महेन्द्रनगर:
दार्चुलामा नेपाली कांग्रेसका एक जना वडा उपसभापति एमालेमा प्रवेश गरेका छन् । जिल्लाको महाकाली नगरपालिका–२ का नेपाली कांग्रेसका वडा उपसभापति शंकर सिंह डोबाल एमालेमा प्रवेश गरेका हुन ।
उनी महाकाली नगरपालिका–२ मा शनिवार सम्पन्न एमालेको वडा अधिवेशनमा सचिवमा चयन भएका छन् । यसअघि ९ असोजमा सम्पन्न नेपाली कांग्रेसको वडा अधिवेशनमा डोबाल उपसभापतिमा चयन भएका थिए ।
‘उहाँ (डोबाल)ले पार्टी छोड्ने भन्ने सभापति ज्यू, हामी कसैलाई पनि जानकारी दिनु भएन ।’ नेपाली कांग्रेसबाट निर्वाचित महाकाली नगरपालिका–२ का वडासदस्य गणेश सिंह फरालले भने, ‘एक्कासी हिजो एमालेको वडा सचिव बन्नु भयो ।’