बैतडी तत्कालका लागि कोरोनामुक्त जिल्ला

महेन्द्रनगर:

बैतडीमा कोरोनाका सक्रिय संक्रमित शुन्य भए पछि तत्कालका लागि कोरोनामुक्त जिल्ला भएको छ । स्वास्थ्य कार्यालय बैतडीका अनुसार तत्कालका लागि बैतडी जिल्ला कोरोनामुक्त जिल्ला बनेको हो । पछिल्लो तीन् दिन देखि जिल्ला कोरोना संमक्रमणमुक्त बनेको स्वास्थ्य कार्यालय बैतडीका सुचना अधिकारी हरीश भट्टले जानकारी दिए । जिल्ला अस्पतालमा रहेको पिसिआर प्रयोगशालामा परिक्षण पनि रोकिएको उनले बताए । यद्यपी भारतसँग जोडिएको झुलाघाट नाकामा भने एन्टीजेन परिक्षण भइरहको छ । बैतडीमा १९ सय ४६ पुरुष र ८ सय ४९ महिला गरी २७ सय ८५ जनामा कोरोना पुष्टि भएको थियो । कोरोना संक्रमणबाट १४ जनाको निधन भएको थियो ।