८ लाख ६९ हजार बढी रकम सहित तीन जना पक्राउ

महेन्द्रनगर:

जिल्ला प्रहरी कार्यलय धनगढीले ३ जनालाई स्रोत नखुलेको पौने ९ लाख नगद सहित पक्राउ गरेको छ । बझाङको मष्टा गाउपालिका १ कोटदेवल बस्ने २२ वर्षीय मुकेश खड्का, १८ वर्षीय किरण खड्का र २४ वर्षीय नारायण खड्कालाई पक्राउ गरेको जिल्ला प्रहरी कार्यालय कैलालीका प्रहरी नायब उपरीक्षक प्रतीक बिष्टले जानकारी दिएका छन् । उनीहरुको साथबाट ८ लाख ६९ हजार नेपाली र तीन हजार दुई सय भारतीय रकम पनि बरामद गरिएको छ । गोप्य सूचनाको आधारमा सुदूरपश्चिम प्रदेश प्रहरी कार्यालय र जिल्ला प्रहरी कार्यालयबाट खटिएको प्रहरी टोलीले उनीहरुलाई धनगढी उपमहानगरपालीका ४ मा रहेको होटल अमन प्लाजाबाट पक्राउ गरेको उनले बताए । चेकजाँच गर्दा उनीहरुको साथबाट सुनका जस्तो देखिने ३४.३६० ग्राम गरगहना र ७३७.८७ ग्राम चाँदी जस्तो धातुका विभिन्न गहना र समान पनि बरामद गरिएको र उनीहरुलाई आवश्यक कारबाहीका लागि राजश्व अनुसन्धान कार्यालय कोहलपुर बाँके पठाएको छ प्रहरी नायब उपरीक्षक बिष्टले जानकारी दिएका छन् ।