बस दुर्घटना मृतकको संख्या १२ पुग्यो

 कठमाण्डौ:

सल्यानको खलंगाबाट दाङको तुलसीपुर आउँदै गरेको रा १ ख २५५२ नम्बरको बस दुर्घटनामा मृत्यु हुनेको संख्या बाह्र पुगेको छ । शनिवार विहान सल्यानको खलंगाबाट दाङको तुलसीपुर आउँदै गरेको बस कपुरकोट गाउँपालिकामा दुर्घटना ग्रस्त भएको थियो । उक्त बसमा ३० जना यात्रु सवार थिए । बस सडकबाट करिब दुई सय मिटर तल खोलामा खसेको छ । घाइतेहरूका अनुसार बस निकै नै तिव्र गतिमा थियो । मृत्यु हुनेमा सल्यान जिल्ला छत्रेश्चरी गाउँपालिमा २ बस्ने २९ बर्षका तिलक ओली, घोराही उपमहानगरको नारायनपुर बस्ने ६५ बर्षकी ईन्द्रा अधिकारी, बबई गाउँपालिका–६ पन्चकुले बस्ने ७० बर्षकी कलावती बुढाथोकी मृतक १२ जना मध्ये १० महिला २ पुरुष रहेका छन् । तीन जनाको परिचय खुले पनि अन्य नौ जनाको भने परिचय खुल्न बाँककी रहेको छ ।