विमानस्थलको पार्किङ क्षेत्रमा आगलागी भयो

 महेन्द्रनगर:

सुदूरपश्चिमको सुविधा सम्पन्न एकमात्र धनगढी विमानस्थलको पार्किङ क्षेत्रमा आगलागी भएको छ । शनिबार अपरान्ह विमानस्थल परिसर नजिकैको खेतमा लागेको आगो भित्र कार पार्किङ क्षेत्रसम्म पुगेको हो । स्थानयिहरुले आफनो खेतमा लगाएको आगो विमानस्थलको कार पार्किङ स्थलमा पुगेको विमानस्थलका कार्यालय प्रमुख रामकृष्ण भट्टले बताए । सुरक्षाकर्मी, अग्नी निवारण सेवा तथा एयरलाइन्सका कर्मचारीको सहयोगमा आगो निभाइएको उनले बताए । विमानस्थल प्रमुख भट्टले विमानस्थल नजिक आगो बाल्दा सजगता अपनाउन सबैलाई आग्रह गरेका छन्