बैतडीमा चोरी गरेको आरोपमा ३ जना पक्राउ

महेन्द्रनगर । बैतडीमा चोरी गर्ने ३ जनालाई प्रहरीले पक्राउ गरेको छ । छुट्टाछुट्टै चोरीे आरोपमा ३ जना पक्राउ परेको जिल्ला प्रहरी कार्यालयले जनाएको छ ।
डिलाशैनी गाउँपालिका ५ र ६ मा कात्तिक २४ गते राति तीन ओटा पसलमा चोरी भएको थियो । स्थानीय गोपाल नाथलाई मंगलबार नै प्रहरीले पक्राउ गरेर अनुसन्धान गरिरहेको थियो भने नरेन्द्र नाथ र रमेश लावडलाई गोपाल नाथको बयानको आधारमा बुधबार पक्राउ गरेको हो । पीडित पक्षबाट उजुरी नआएका कारण चोरेको समान फिर्ता गर्ने सर्तमा तिनै जनालाई सामान्य तारिखमा छोडीएको जिल्ला प्रहरी कार्यालय बैतडीले जनाएको छ ।