डोटीमा आफनै साथीको कुटेर हत्या

महेन्द्रनगर । आपसी झगडा हुँदा डोटीमा एक जनाको मृत्यु भएको छ । जिल्लको बोगटान गाउँपालिका–१ उलटेपानी बस्ने ४९ वर्षीय धन बहादुर मगरको आइतबार दिउँसो मृत्यु भएको हो ।
झगडामा संलग्न सोही ठाउँ बस्ने ३२ वर्षीय मिलन मगरलाई प्रहरीले नियन्त्रणमा लिएको जनाएको छ । बोगटान गाउँपालिका–१ उलटेपानी बस्ने टेक बहादुर मगरको घर छाई खाना खाने क्रममा उनीहरुबीच सामान्य विवादमा झगडा हुँदा घाइते भएका धन बहादुरलाई उपचारको लागि दिपायलतर्फ लैजाने क्रममा बाटोमै मृत्यु भएको हो ।