लागुऔषध चरेश मुद्दाका फरार वृद्ध पक्राउ

महेन्द्रनगर । कञ्चनपुरमा लागुऔषध चरेश मुद्दाका फरार वृद्ध पक्राउ परेका छन् । भिमदत्त नगरपालिका ३ बस्ने ६८ वर्षीय उज्जल सिह ऐडीलाई पक्राउ गरिएको जिल्ला प्रहरी कार्यालय कञ्चनपुरले जनाएको छ । कञ्चनपुर जिल्ला अदालतको मिति २०७७ भदौ ९ गतेको फैसलाले १ वर्ष १ महिना कैद र १५ हजार जरिवाना भई फरार रहेका प्रतिवादी पक्राउ परेका हुन् ।
पक्राउ परेका उनलाई अदालतबाट कैद सजाय भुक्तानको लागि कारागार चलान गरिएको जनाइएको छ ।