एकिकृत (समाजवादी) को पुर्चौडी नगर अध्यक्षमा युवा नेता बोहरा

 महेन्द्रनगर ।

नेपाल कम्युनिष्ट पार्टी (एकिकृत समाजवादी) आफनो संगठन विस्तारको अभियानमा जुटेको छ । पार्टीले शुक्रवार बैतडीको पुर्चौडी नगरपालिकाको नगर अधिवेशन सम्पन्न गरेको छ । युवा नेता रमेश बोहराको अध्यक्षतामा ५१ सदस्यीय नगर कमिटि गठन गरिएको पार्टी जिल्ला कमिटि सदस्य दिनेश प्रसाद भट्टले बताए । नगर कमिटिको उपाध्यक्षमा प्रेम साउद र नरेन्द्र बिष्ट चयन भएकाछन् । यसैगरी सचिवमा बिरेन्द्र जागरी, सहसचिवमा बिर्ख बहादुर धामी, जनक धानुक र प्रेम धामीलाई चयन गरिएको छ । यसैगरी जिल्लाको डिलाशैनी गाउँपालिका वडा न.७ मा पनि वडा कमिटि गठन गरिएको छ । धौलसिंह धामीको अध्यक्षतामा २९ सदस्यीय वडा कमिटि गठन गरिएको विद्यार्थी नेता सुवास बोहराले बताए । विभिन्न पार्टी परित्याग गरि २२ जनाले नेकपा (एस) मा प्रवेश गरेको उनले जानकारी दिए ।