विवाद पछि भएको झगडामा एकजनाको मृत्यु

महेन्द्रनगर ।

बझाङमा सामान्य विवाद पछि भएको झगडामा एकजनाको मृत्यु भएको छ । गएराति साढे ७ बजे जयपृथ्वी नगरपालिका ७ का ४६ वर्षीय पिरु भण्डारीको मृत्यु भएको जिल प्रहरी कार्यालय बझाङले जनाएको छ । जयपृथ्वी नगरपालिका ७ का २३ वर्षीय दिपेन्द्र थापासँग कुलीबाँध खोलामा विवाद उत्पन्न भई धकेला धकेल भएको र भण्डारी घाइते भएपछि अस्पताल ल्याइएको थियो । भण्डारीको अस्पतालमा उपचारका क्रममा मृत्यु भएको जिल्ला प्रहरी कार्यालय बझाङले जनाएको छ । भारत जान लागेका छोरालाई गाडीमा चढाएर फर्किएका मृतक पिरु भण्डारी र थापाको कुलीबाँध खोलामा हिँडिरहेका बेला विवाद उत्पन्न भएको थियो । मदिरा सेवन गरेका उनीहरुले विवादपछि दुबैबीच धकेलाधकेला हुँदा भण्डारी घाइते भएका थिए घटनामा संलग्न दिपेन्द्र थापालाई हिजो राति नै पक्राउ गरी प्रहरी हिरासतमा राखिएको छ ।