कांग्रेसः जिल्ला सभापतिमा ९१ मत अन्तरले बोगटी निर्वाचित

महेन्द्रनगर । नेपाली कांग्रेस कञ्चनपुरको जिल्ला सभापतिमा पदम बोगटी ९१ मत अन्तरले निर्वाचित भएका छन् । नेपाली काग्रेसको १४ औँ महाधिबेशन अन्तरगत जिल्ला अधिबेशनमा भएको निर्वाचनमा बोगटीले ८ सय ६ मत प्राप्त गरी सभापतिमा निर्वाचित भएका हुन् । उनका प्रतिस्पर्धि बहादुर सिंह थापाले ७ सय १५ मत मात्रै लिएका थिए ।
उपसभापतिमा भने थापा प्यानलका उमेदवार मीन बहादुर सिंह र हरी चन्द्र राना विजयी भएका छन । उनीहरुले क्रमशः ७ सय ८६ र ७ सय ६३ मत ल्याएका हुन । उनीहरुका निकतम प्रतिद्धन्द्धी बोगटी प्यानलका उमेदवार शंकर बहादुर चन्द र दिवाकर पाण्डेयले क्रमशः ७ सय ४० र ७ सय ४ मत लिएका थिए ।
सचिवमा थापा प्यानलकै भीमराज भट्ट र हेमराज ओझा विजयी भएका छन । उनीहरुले क्रमशः ७ सय २८ र ६ सय ९४ मत ल्याएका हुन । उनलका प्रतिस्पर्धि बोगटी प्यानलका सिद्धराज भट्ट र जनक धामीले बरावर ६ सय ८० मत लिएका थिए । भने स्वतन्त्र उमेदवार तर्कराज भट्टले १ सय ३० मत प्राप्त गरेका छन ।
सहसचिवमा दुवै प्यानलबाट एक÷एक जना निर्वाचित भएका छन । थापा प्यानलका नाफु सिंह साउँद निर्वाचित भएका हुन भने बोगटी प्यानलबाका पुस्कल चौधरी निर्वाचित भएका छन । उनीहरुले क्रमशः ७ सय २६ र ६ सय ७४ मत लिएर विजयी भएका हुन ।
कांग्रेस कञ्चनपुरमा ५२ पदका लागि ९५ जना उम्मेदवार चुनावी मैदामा उत्रिएका थिए । ७ पदाधिकारी पदका लागि १६ जना चुनावी प्रतिस्पर्धामा उत्रिएका थिए । कूल १ हजार ६ सय १८ मा १ हजार ५ सय ७१ मत खसेको थियो ।