ट्र्याक्टर दुर्घटनाः दुई जनाको मृत्यु (नाम सहित)

महेन्द्रनगर:

कञ्चनपुरमा भएकोे ट्र्याक्टर दुर्घटनामा घार्यते भएका २ जनाको मृत्यु भएको छ । शुक्लाफाँटा राष्ट्रिय निकुञ्जको अर्जुनी नजिकै भएको ट्र्याक्टर दुर्घटना दुई जनाको मृत्यु भएको जिल्ला प्रहरी कार्यालयले जनाएको छ । मृत्यु हुनेमा कृष्णपुर नगरपालिका–९ पिपरैयाका वर्ष ६५ का द्रोपती राना र वर्ष ३३ का रतन कुमारी राना रहेको जिल्ला प्रहरी कार्यालय कञ्चनपुरका प्रहरी नायव उपरीक्षक चक्रबहादुर शाहले जानकारी दिए । पुर्वपश्चिम राजमार्ग अन्तर्गत अर्जुनी नजिकै से १ त ३८४१ नम्बरको ट्र्याक्टर दुर्घटना भएको थियो दुर्घटनामा अन्य १२ जना घाइते भएका छन् । कृष्णपुर नगरपालिका–९ पिपरैयाबाट बेदकोट नगरपालिकाको दैजीमा जन्ती पुर्याएर फर्कने क्रममा चालकले नियन्त्रण गुमाउदा ट्र्याक्टर सडक छेउमै पल्टीएको हो। प्रहरीका अनुसार ट्र्याक्टरमा ३० जना बढी सवार रहेका थिए ।