कैलालीमा भिडभाड गर्न नपाईने

 महेन्द्रनगर:

कैलालीमा ‘धार्मिक र सांस्कृतिक महत्वका स्थानमा नित्य पूजा÷पाठ, आराधना बाहेकका भेला र उत्सव गर्दा भीडभाड गर्न नपाईने भएको छ । जिल्ला कोभिड संकट व्यबस्थान केन्द्र (डिसीएमसी) को बैठकले कोभिड–१९ को नयाँ भेरियन्ट ओमिक्रोनको संक्रमण रोकथामका लागि कैलालीमा भिडभाडमा रोक लगाएको कार्यालयका सूचना अधिकारी शिवराज जोशीले जानकारी दिएका छन् । नेपालमा पनि ओमिक्रोनको संक्रमण देखिएपछि डिसीएमसीको बैठक बसेको जिल्ला प्रशसन कार्यालय कैलालीले जनाएको छ । कार्यालयका सूचना अधिकारी जोशीका अनुसार बैठकमा विगतका निर्णय कार्यान्वयनका विषयमा समिक्षा भएको छ । ‘धार्मिक र सांस्कृतिक महत्वका स्थानमा नित्य पूजा÷पाठ, आराधना बाहेकका भेला र उत्सव गर्दा भीड नगर्न जिल्ला प्रशासन कार्यालय मार्फत सूचना जारी गर्ने निर्णय भएको छ;’ उनले भने, ‘ जनस्वास्थ्य कार्यालयसंग समन्वय गर्दै कोरोना विरुद्धको खोप लगाउन बाँकी नागरिकलाई खोप लगाउन स्थानीय तहलाइ अनुरोध गर्ने पनि निर्णय भएको छ ।’