भन्सार छलिका अवैध सामान बरामद

महेन्द्रनगर:

कञ्चनपुरमा भन्सार छलिका अवैध सामान बरामद गरिएको छ। सशस्त्र प्रहरी बल नेपाल नम्बर ३५ गण हेडक्वाटर शैलेश्वरी कञ्चरपुर तथा मातहत बोडर आउट पोष्ट झिलमिला, बेलौरी, थापाचोक, पचुई र डोकेबजारबाट खटीएको सीमा गस्ती टोलीले सामान बरामद गरेको हो। अवैध रुपमा भन्सार छली भारतबाट नेपाल ल्याउने क्रममा बेवारिसे अवस्थामा रहेको अन्दाजी मूल्य २ लाख ५ हजार ४९ बराबरको किराना समान, चिनी तथा डिजेल र हार्डवयर सामान बरामद गरेको गणले बताएको छ। बरामद गरिएको सामान आवश्यक कानूनी कारबाहीको लागि कञ्चनपुर भन्सार कार्यालय गड्डाचौकी र कैलाली भन्सार कार्यालय त्रिनगरमा बुझाइएको प्रहरीले बताएको छ ।