भालुको आक्रमणबाट दुई जना घाइते

बैतडी:

बैतडीमा जङ्गली भालुको आक्रमणबाट दुई जना गम्भीर घाइते भएका छन् । घाइते हुनेमा जिल्लाको पञ्चेश्वर गाउँपालिका– ५ नेटाका ३२ वर्षीय महेशराम भुल र सोही ठाउँका ४० वर्षीया कमला चन्द रहेका छन् । शनिबार दिउँसो घर नजिकैको जङ्गलमा घाँस काट्न गएका बेला उनीहरुलाई भालुुले आक्रमण गरेको जिल्ला प्रहरी कार्यालयका प्रहरी प्रवक्ता बोधराज ओझाले जानकारी दिए । घाइतेको जिल्ला अस्पतालमा उपचार भइरहेको छ । रासस