कञ्चनपुरको झलारी वजार महिनामा २ दिन बन्द हुने

कञ्चनपुरको झलारी वजारक्षेत्र महिनाको २ दिन बन्द हुने भएको छ । झलारीपिपलाडी उद्योग वाणिज्य संघ,शुक्लाफाँटा होटल व्यवसायी संघ र महाकाली सुनचाँदी व्यवसायी संघको संयुक्त पहलमा प्रत्येक महिनाको १४ र २८ गते झलारी वजारक्षेत्र बन्द हुने भएको हो ।
व्यवसायीहरूकै माग र चाहाना वमोजिम मंसिर २८ गते देखि लागुहुने गरि वजार क्षेत्र व्यवसायीक कारोवार बन्द गर्ने सहमति भएको शुक्लाफाँटा होटल व्यवसायी संघका अध्यक्ष नैनसिंह वोहराले वताए ।
होटल व्यवसायीको हकमा भने २८ गते मेनरोडको दक्षिणपट्टिका होटल बन्द रहने छन् भने १४ गते मेनरोड भन्दा उत्तरपट्टिका होटल बन्द रहने छ ।