एकीकृत समाजवादी बैतडीको सबै पालिकामा अधिवेशन सम्पन्न

महेन्द्रनगर । नेकपा (एकीकृत समाजवादी) बैतडीले आफनो सबै पालिकामा अधिवेशन सम्पन्न गरेको छ । ४ नगरपालिका र ६ ओटा गाउँपालिका रहेको बैतडीका सबै स्थानीयतहमा अधिवेशन सम्पन्न गरेर नेतृत्व चयन भइसकेको एकीकृत समाजवादी बैतडीका अध्यक्ष महादेव भट्टले जानकारी दिए ।
उनका अनुसार दशरथचन्द नगरपालिकामा दिनेश सिहँ ठगुन्ना, मेलौली नगरपालिकामा भिम दत्त भट्ट ,पुर्चौडी नगरपालिकामा रमेश बोहरा र पाटन नगरपालिकामा लोकेन्द्र विष्टको अध्यक्षतामा नगरस्तरीय कमिटी गठन गरिएको छ ।
यस्तै सुर्नया गाउँपालिकामा दिनेश प्रशाद भट्ट, शिवनाथ गाउँपालिकामा वीरभान मेहता, पञ्चेश्वर गाउँपालिकामा हिक्मतसिंह भण्डारी, डीलाशैनी गाउँपालिकामा दीपक धामी, सिगास गाउँपालिकामा खेमसिंह धामी र दोगडाकेदार गाउँपालिकामा लक्ष्मीदत्त जोशीको अध्यक्षतामा पालिकास्तरीय कमिटि गठन गरिएको हो ।
सबै पालिकामा सङ्गठन विस्तार भइसकेको र जिल्लाका ३२ ओटा वडामा भने वडा कमिटि गठन बाँकी रहेको अध्यक्ष भट्टले बताए । उहाँँले सङ्गठन सुदृढीकरणको अभियान संग संगै पार्टीले जनता भेटघाट कार्यक्रम पनि सञ्चालन गरेको बताए ।