२०८१ भाद्र २३, आईतबार
महेन्द्रनगर:
प्रहरीले कैलालीको जानकी गाउँपालिका–९ का २५ वर्षीय अर्जुन दासको हत्यामा संलग्नहरूको पहिचान भइसकेको जनाएको छ । जिल्ला प्रहरी कार्यालय कैलालीका डीएसपी वेदप्रकाश जोशीले हत्यामा संलग्न सबैको पहिचान भइसकेको र अनुसन्धान जारी रहेको बताए । गत शनिबार स्थानीय जंगलमा शरीरबाट टाउको अलग पारिएको अवस्थामा अर्जुनको शव फेला परेको थियो । हत्यापछि मनोज नामका एक व्यक्तिले आफूले अर्जुनको हत्या गरेको दाबी गरेको अडियो लिक भएको थियो । सोही अडियो अर्जुनकी श्रीमती श्रीमती धर्मादेवी दासलाई पठाएको आरोपमा प्रहरीले एकजनालाई पक्राउ गरेको छ । पक्राउ परेका व्यक्तिबाट अनुसन्धान सुरु गरिएको र घटनामा संलग्न सबैको पहिचान भइसकेको डीएसपी जोशीले जानकारी दिए । डीएसपी जोशीले सामान्य विवादका कारण हत्या भएको हुनसक्ने बताए ।
अराज केशव फिल्मस प्रा.लि. द्वारा संचालित
पश्चिम आजडट कम का लागि
मुख्य कार्यालय भिमदत्त १८ महेन्द्रनगर कञ्चनपुर
सम्पर्क फोन- +977-9865666008
9810770077
आन्तरिक राजश्व (पान) नं.: ६०४२८६८८६
सुचना बिभाग दर्ता नं.: २८५९-२०७८/७९
अध्यक्ष: केशव राज गिरी
प्रधान सम्पादक: रबिन कृष्ण सुवेदी