दुई युवक धनगढीमा लागुऔषध सहित पक्राउ

महेन्द्रनगर:

कञ्चनपुरका दुई युवक धनगढीमा लागुऔषध सहित पक्राउ परेका छन् । पक्राउ पर्नेमा कृष्णपुर नगरपालिका–२ का २७ वर्षीय दीपक विक र २१ वर्षीय राजेन्द्र कामी रहेका छन् । जिल्ला प्रहरी कार्यालय कैलालीका अनुसार मंगलबार राति १ बजेको समयमा उनीहरुलाई धनगढी उपमहानगरपालिका–३ बाट ४१ ट्याब्लेट नाइट्रोभेट सहित पक्राउ गरिएको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक वेदप्रकश जोशीले बताए । दुवै जनामाथि लागुऔषध शीर्षकमा मुद्दा दर्ता गरी कारबाही अगाडि बढाइने उनले बताए ।