समाजसेवी मल्लको अनुकरणिय काम, अनाथ वालवालिकालाई न्यानो कपडा

महेन्द्रनगर:

समाजसेवी युवा मनका ढुकढुकी सफल व्यावसायी डडेल्धुरा अमरगढी नगरपालिका ४ तल्लो खलंगाका हाल जापानमा रहेका प्रकाश मल्ल ( विनय ) ले डडेल्धुराको अमरगढी नगरपालिका–७ मा रहेको वेथेस्ड चिल्ड्रेन होमका वालवालिकालाई न्यानो कपडाहरु सहयोग गरेका छन् । हाल जापानमा रहेकका मल्ले आफनो होममा वालवालिकाहरुलाई बढदै गएको चिशोमा न्यानो कपडाको आवश्यक्ता पर्ने कुरा अवगत गराए पश्चात समाजसेवी मल्लले तुरुन्तै वालवालिकाहरुलाई न्यानो कपडा उपलब्ध गराई सहयोग गर्नु भएको होमका संचालक जितेन्द्र ताम्राकारले बताए । मल्लले पहिला पनि पहिलो कोभिडको समयमा होमका वालवालिकालाई खानको लागि समस्या भएपछि नगद ३२ हजार धनराशी पनि सहयोग गरी भोका निमुखा वालवालिको मुखमा आहारको व्यवस्था गरिदिनु भएको उनले बताए । यस्तै सहयोगको लागि उनले धन्यवाद पनि दिएका छन् । मल्ले विगतका दिनहरुमा जिल्लामा स्वास्थ्य शिक्षा विकास तथा पुराना मठमन्दिर बाटोघाटो निर्माणमा र कोरोनाको समयमा विपन्न दलित परिवारका सदस्यहरुलाई राहत तथा अस्पतालमा निशुल्क अक्सिजन सिलिन्डर सहयोग गरेका थिए । नेता कार्यकर्ता पार्टीका मान्छेहरुले जनप्रतिनिधीहरुले नगरेको सहयोग गुण मल्लले लगाएको र यस्तो सामाजिक अभियन्ताहरुले सामाजिक क्षेत्रमा मात्र नभएर समग्र विकासको लागि जिल्लामा आएर काम जिल्लावासीहरुले आग्रह गरेका छन् ।