गाउँपालिकाको कार्यालयलाई जोडनको लागी १० करोडमा पक्की पुलको निर्माण

महेन्द्रनगर । डडेल्धुराको भित्री मधेशमा रहेको आलिताल गाउँपालिकालाई जोडनको लागी १० करोडमा पक्की पुलको निर्माण गरिएको छ । गाउँपालिकाको कार्यालय र वडा नं. ५ क्षेत्रलाई सडक सञ्जाल संग जोडन उक्त पुलको निर्माण गरिएको हो ।
वर्षेनि धनजनको क्षती पुगाउने भित्रिमधेशको सुनखोलामा पुल निर्माण भए पछि गाउँपालिकाको कार्यालय र वडा नं. ५ क्षेत्र सडक सञ्जाल संग जोडिएको छ । जिल्लाको भित्रिमधेश उपत्यकामा रहेको सुनखोलामा करिब १० करोडको लागतमा पुल निर्माणको काम सम्पन्न भएको हो । ७८ मिटर लम्बाई र १० मिटर चौडाईको पक्की मोटरेवल पुल बने पछि आलिताल गाउँपालिकाका २५ हजार जनता प्रत्यक्ष रुपमा लाभान्वित भएका छन ।
गोदाम बजार देखि पालिकाको कार्यालय सम्म पुग्ने सडक कलोपत्रे समेत भईरहेको छ । करिब सात सय मिटर सडक कालोपत्रेको काम पुल निर्माणको ठेक्का संगै निर्माण व्यवसायी संग सम्झौत भएको गाउँपालिका अध्यक्ष बलबहादुर गुरुङ्गले बताए ।