बेलौरीमा दलित परिवारहरुलाई न्यानो कपडा कम्बल (ब्ल्याङ्केट) बितरण

महेन्द्रनगर:

कञ्चनपुरमा दलित परिवारहरुलाई न्यानो कपडा वितरण गरिएको छ । बेलौरी नगरपालिका ६ ले दलित परिवारहरुलाई न्यानो कम्बल (ब्ल्याङ्केट) बितरण गरेको हो । सोमबार वडा नम्बर ६ भित्रका ८० जना दलित परिवारहरुलाई नगरपालिकाको सभाहलमा एक कार्यक्रमको आयोजना गरि न्यानो कम्बल (ब्ल्याङ्केट) बितरण गरिएको बेलौरी नगरपालिकाका नगर प्रवक्त्ता बिनोद नेपालीले जानकारी दिएका छन् । बढ्दै गएको जाडोबाट बच्न र सम्मान स्वरूप वडाका लक्षित वर्गलाई चालू आर्थिक वर्षको विनियोजित बजेटबाट ८० भन्दा बढी न्यानो कम्बल (ब्ल्याङ्केट) वितरण गरिएको उनले बताए । बेलौरी नगरपालिका वडा नम्बर ६ को विनियोजित वार्षिक बजेटबाट लक्षित कार्यक्रम अन्र्तगत वडामा रहेका दलित परिवारहरु लाई न्यानो कम्बल (ब्ल्याङ्केट) वितरण गरिएको कार्यक्रमका सभापति तथा बेलौरी नगरपालिका वडा नम्बर ६ का वडाध्यक्ष रामप्रकाश बडायकले बताए । बेलौरी नगरपालिका वडा नम्बर ६ का वडाध्यक्ष रामप्रकाश बडायकको सभापतित्वमा आयोजित कार्यक्रमको प्रमुख अतिथिमा बेलौरी नगरपालिकाका प्रमुख प्रशासकिय अधिकृत रबिन्द्र प्रसाद चौधरी,बिशिष्ट अतिथिमा बेलौरी नगरपालिकाका नगर प्रवक्त्ता बिनोद नेपाली, अतिथिमा बेलौरी नगरपालिकाका शाखा अधिकृत तथा सुचना अधिकारी सुशिला लेखक, रहेकी थिईन् । यस्तै कायक्रममा बेलौरी नगरपालिका तथा वडा कार्यलयमा कार्यरत कर्मचारी लगाएतको उपस्थिति रहेको थियो ।