कञ्चनपुरमा लागुऔषध सहित एक युवक पक्राउ

महेन्द्रनगर:

कञ्चनपुरमा लागुऔषध सहित एक जना पक्राउ परेका छन् । भिमदत्त नगरपालिका १० को ७ नम्बर पिल्लर नजिक सोही नगरपालिका ५ सुकासाल बस्ने २९ वर्षीय दिकरदेब भट्टलाई पक्राउ गरेको जिल्ला प्रहरी कार्यालय कञ्चनपुरले जनाएको छ । जिल्ला प्रहरी कार्यालय कञ्चनपुर मातहत ईलाका प्रहरी कार्यालय गड्डाचौकीबाट खटिएको प्रहरी गस्ती टोलिले लागुऔषध सहित एक जनालाई पक्राउ गरेको हो । उनको साथबाट सेतो कागज भित्र लुकाई राखेको अवस्थामा ०.१४ ग्राम लागुऔषध (खैरो हिरोईन) फेला परेको प्रहरीले बताएको छ । उनी माथी कानून बमोजिम थप अनुसन्धान भइरहेको बताइएको छ ।