शुक्लाफाँटा नगरपालिकामा तालाबन्दी

महेन्द्रनगर । शुक्लाफाँटा नगरपालिकामा तालाबन्दी गरिएको छ । नगरपालिकाको वडा ६ का अध्यक्ष जगत राना सहितका स्थानीयले बिहिबार नगरपालिकामा ताला लगाएका हुन् । वडा भवन निमार्णको विषयमा विवाद भएपछि तालाबन्दी भएको हो ।
वडा अध्यक्ष जगत रानाले २०५१ सालदेखी बाल विकासको नाममा रहेको जग्गामा वडा भवन बनाउन खोज्दा एमालेका साथीहरुले विरोध गरेको बताए । त्यहाँका जनताको माग त्यँही ठाउँमा वडा भवन हुनुपर्छ भन्ने रहेको र भवन निमार्ण गर्दा पटक पटक अवरोध भइरहेको बताएका छन् ।
यता, शुक्लाफाँटा निकुञ्जले वडा भवन बन्ने जग्गा निकुञ्ज क्षेत्रको मध्यवर्ती कार्यालयको भित्रको सरकारी जग्गामा निर्माण हुन गईरहेकोले उक्त भवन तत्काललाई बनाउन नदिने भनेर नगरपालिकामा पत्र पठाएको छ । नेपाल सरकारको स्वामित्व रहेको जग्गामा नेपाल सरकारकार बाट भोगाधिकार प्राप्त नगरी उपभोग गर्न नपाईने व्यवस्था रहेको हुँदा जग्गाको भोकाधिकार प्राप्त भएपछि मात्रै वडा कार्यालयको भवन निर्माणको कार्य अगाढील बढाउन भन्ने पत्राचार गरेको छ ।