कञ्चनपुरमा लागुऔषध सहित ३ जना पक्राउ

महेन्द्रनगर । कञ्चनपुरमा लागुऔषध सहित ३ जना पक्राउ परेका छन् । पक्राउ पर्नेमा पुनर्बास नगरपालिका ८ बस्ने २६ वर्षीय राजबहादुर सुनार सोही ठाउँ बस्ने २१ वर्षीय सुनिल ओझा र बेदकोट नगरपालिका वडा नम्बर ६ बस्ने १९ वर्षीय दिवश अवस्थीलाई पक्राउ गरेको जिल्ला प्रहरी कार्यालय कञ्चनपुरले जनाएको छ ।
संघीय लागुऔषध प्रहरी इकाई कार्यालय नियन्त्रण सेल महेन्द्रनगर र जिल्ला प्रहरी कार्यालयबाट खटिएको संयुक्त प्रहरी टोलीले एकजनालाई पक्राउ गरेको हो । भीमदत्त नगरपालिका वडा नम्बर १८ कटानबाट पैदल हिन्दै गरेको बेदकोट नगरपालिका वडा नम्बर ६ बस्ने १९ वर्षीय दिवश अवस्थीलाई पक्राउ गरेको जिल्ला प्रहरी कार्यालय कञ्चनपुरले जनाएको छ ।
उनको साथबाट कालो झोलामा लुकाई छिपाई गरी राखेको ३.२९ ग्राम खैरो हिरोइन फेला परेको प्रहरीले बताएको छ । उनीलाई कानून बमोजिम थप अनुसन्धान भइरहेको बताइएको छ । यस्तै सशस्त्र प्रहरी बल नेपाल नम्बर ३५ गण हेडक्वाटर शैलेश्वरी कञ्चनपुर मातहत खटिएको प्रहरी टोलीले थप २ जनालाई लागुऔषध सहित पक्राउ गरेको छ ।
पुनर्बास नगरपालिका ८ बस्ने २६ वर्षीय राजबहादुर सुनार र सोही ठाउँ बस्ने २१ वर्षीय सुनिल ओझालाई पक्राउ गरेको हो । उनीहरुको साथबाट १ ग्राम खैरो हिरोईन फेला परेको गणले जनाएको छ । उनीहरुलाई कानून बमोजिम कारबाहिका लागि इलाका प्रहरी कार्यालय त्रिभुवनबस्तीमा भुझाइएको प्रहरीले बताएको छ ।