नेपालमा थप ९ सय ४४ जनामा कोरोना संक्रमण पुष्टि

काठमाडौं । नेपालमा थप ९ सय ४४ जनामा कोरोना संक्रमण पुष्टि भएको छ । पछिल्लो २४ घण्टामा १३ हजार २ सय ६४ वटा स्वाब नमुनाको परीक्षण गरिएकोमा ९४४ जनाको नतिजा पोजिटिभ आएको हो । ९ हजार ७ सय ६२ नमुनाको पीसीआर परीक्षण गर्दा ६ सय ९६ र तीन हजार ५ सय २ नमुनाको एन्टिजेन विधिबाट परीक्षण गर्दा २ सय ४८ जनामा संक्रमण देखिएको हो ।
पछिल्लो २४ घण्टामा कोरोनाका कारण देशभर कसैको पनि मृत्यु पुष्टि भएको छैन् । हालसम्म नेपालमा कोरोनाका कारण मृत्यु हुनेको संख्या ११ हजार ६०२ रहेको छ ।
पछिल्लो २४ घण्टामा देशभर २९७ जना निको भएका छन् । योसँगै नेपालमा कोरोनामुक्त हुनेको संख्या आठ लाख १४ हजार ६ पुगेको छ ।
हाल देशभर कोरोनाका सक्रिय संक्रमितको संख्या ६ हजार १४० रहेको स्वास्थ्य तथा जनसंख्या मन्त्रालयले शनिबार जनाएको छ ।