कञ्चनपुरमा मंगलवार ८६ जनामा कोरोना पुष्टि,सचेत र सतर्क रहन चिकित्सकको आग्रह

महेन्द्रनगर । कञ्चनपुरमा कोरोना संक्रमितको संख्या दिनदिनै बढदै गईरहेको छ । पश्चिमी सिमानाका गड्डाचौकी भएर भारतबाट आउने नेपाली दाजु भाईहरुमा परिक्षण गर्दा संक्रमितको संख्यामा वृद्धि भएको जिल्ला स्वास्थ्य कार्यालयले जनाएको छ ।
मंगलवार गडडाचौकी नाकामा गरिएको परिक्षणमा ७१ जना र अन्य गरी ८६ जनामा कोरोना संक्रमण देखिएको जिल्ला स्वास्थ्य कार्यालयल जनाएको छ । एन्टिजिन बिधीबाट गरिएको परिक्षणमा ७४ जना पिसिआर परिक्षणबाट १२ जनामा कोरोना पुष्टि भएको हो ।
आज कोरोना पुष्टि हुनेमा भीमदत्तमा ९ जना, दोधारा, वेदकोट बेलौरी,र बेलडाँडीमा १(१ जनामा कृष्णपुरमा २ जना, र गडडाचौकीमा ७१ जनामा कोरोना संक्रमण पुष्टि भएको जिल्ला स्वास्थ्य कार्यालयले जारी गरेको सुचनामा उल्लेख गरिएको छ । यो सहित कञ्चनपुरमा कोरोना संक्रमितको अहिले सम्मको संख्या ९ हजार ४ सय ११ पुगेको छ ।
जिल्लामा सक्रिय संक्रमितको संख्या ३ सय ३० रहेको छ । आज १२ जनाले कोरोना जितेर घर फर्किएका छन् । अहिलेसम्म कोरोनालाई जित्नेको संख्या ८ हजार ८ सय ६० रहेको छ । कोरोनाबाट मृत्यु हुनेको संख्या २ सय ५ पुगेको छ ।