कञ्चनपुरमा जिप दुर्घटना हुँदा ७ जना घाईते

महेन्द्रनगर । कञ्चनपुरमा जिप दुर्घटना हुँदा ७ जना घाईते भएका छन् । दार्चुलाबाट बेलौरी जाँदै गरेको गाडी पुनर्वास नगरपालिका ११ स्थित देउराली नालामा दुर्घटना भएको सुदूरपश्चिम प्रदेश ट्राफिक प्रहरी कार्यालयले जानकारी दिएको छ ।
विहिवार विहान ६ बजे सु प्र प ०१ ००१ ज १३६३ नम्बर जीप अनियन्त्रित भएर सडकमा रहेको कल्भर्टमा ठोक्किएर दुर्घटनामा परेको सुदूरपश्चिम प्रदेश ट्राफिक प्रहरी कार्यालयका एसपी वामदेव गौतमले बताए ।
घाईते हुनेमा चालक दार्चुलाका व्यास गाउँपालिका ४ का २५ वर्षका विर सिंह धामी,सोही ठाउँका २४ वर्षका विरेन्द्र धामी क्ञ्चनपुर पुर्नवास नगरपालिका १ का ६८ वर्षका मोहन भण्डारी उनकी श्रिमती वर्ष ६२ की जयन्ती भण्डारी, सोही ठाउँका वर्ष २४ का करुणा भण्डारी, वर्ष ८ का प्रया भण्डारी, र वर्ष ३ का पारस भण्डारी रहेको उनले बताए । घाईतेको सेती प्रादेशिक अस्पतालमा उपचार भैरहेको छ । सबैको अवस्था सामान्य रहेको छ ।