दोधारा चादनी बाट २ महिला सहित ६ जना बेपत्ता

दोधारा । दोधारा चादनीको बादी टोलबाट २ महिला सहित ४ जना उनिहरुका छोरा छोरी बेपत्ता भएका छन् । दोधारा चा“दनी नगरपालिका वडा नं. ६ बादी टोलका वष अन्ताजी २५ कि पुजा बादी, वर्ष १२ का सन्तोष बादी, वर्ष ५ का गोलु बादी, वर्ष ७ कि शोनिया बादी, वर्ष ३२ कि तारा दमाई, वर्ष १४ कि ज्योती बादी बेपत्ता भएको उनिहरुको परिवारजनले जनाएका छन् । महाकाली नदीको छेउ, एक सामुदायिक बन नजिक बस्दै आएका पुजा बादी र तारा दमाईका श्रीमान भारतको देहरादुन स्थित सैनधारामा ज्याला मजुरी गर्दै आएका थिए । घरमा श्रीमान संग भारतको देहरादुन जाने भन्दै उनिहरु भारतिय ३ जना मोटरसाईकल संग आएका नागरिकले सिमावर्ती भारतिय बजार मेलाघाट हिडेको बिनोद बादीको परिवारजनले बताएका छन् । उनिहरुलाई ३ वटा मोटरसाईकलमा बसालेर भारतिय मुन्द्रे यातायात (रकम लिएर मोटरसाईलबाट मान्छे ल्याउने पुर्याउने मान्छे) सिमावर्ती भारतिय बजार तिर लग्दै गरेको स्थानियहरुको भनाई समेत रहेको छ् । झण्डै २ साता बेपत्ता भएका उनिहरुको भारतको बिभिन्न स्थानमा खोजी कार्य गरिएपनि पत्तो नलागेको पुजा बादीका श्रीमान बिनोद बादीले बताएका छन् । हिजो मात्रै बिनोद बादी र तारा दमाईका श्रीमान बल बहादुर दमाईले ईलाका प्रहरी कार्यालय दोधारा चादनीमा खोजी कार्यको लागी निबेदन दिएको उनिहरुले बताएका छन् । बेपत्ता भएका आफन्तहरलाई खोजी गरिदिन बिनोद बादी र बल बहादुर दमाईले सबैमा आग्रह गरेका छन् ।