डडेल्धुराको स्वतन्त्र युवा एकता टिमद्धारा खाद्यान्न सहयोग

 महेन्द्रनगर:

डडेल्धुरामा स्वतन्त्र युवा एकता टिमले भागेश्वर गाउँपालिका—४ गोलाई निवासी ईन्द्रा देवी कामीको परिवार लाई खाद्यान्न सहयोग गरेको छ । ३ छोरा, १ छोरीकी आमा गरिव परिवारकी कामीको अबस्था निकै कमजोर रहेको थाहा पाए पछि केही हद सम्म भए पनि सहयोग पुगोस भन्ने भावनाले सहयोग गरिएको स्वतन्त्र युवा एकता टिमका युवा सुरत तमोलीले बताएका छन् । टिमले सोमबार राती उनको घरमा गएर सहयोग स्वरुप खाद्यान्नमा दाल,चामल,गहु,नुन, तेल, सावुन आदी सामग्री हस्तान्तरण गरेको स्वतन्त्र युवा एकता टिम डडेल्धुराका समाजसेवी चेतराज ओझाले जानकारी दिए । हाम्रो टिम लाई सानो भए पनि सहयोग गर्ने अवसर जुट्यो । यसरीनै आगामी दिनमा पनि यस्ता किसमका सामाजिक कार्यमा आफनो टिमको प्रयास निरन्तर रहने र डडेल्धुराका सात वटै स्थानीय तहमा रहेका गरिब, दुःखी, पिडित, तथा समाजमा पछाडि परेका बर्गहरूलाई हाम्रो टिमले सक्दो सहयोग गर्ने उनले बताए ।